ស្ត្រីមានផ្ទៃពោះបើឃើញសញ្ញាទាំងអស់នេះគួរស្វែងរកថ្នាំគ្រាប់ជាតិដែកឬឱសថរក្សាគភ៌ជំនួយ

December 16, 2018

គ្រាប់ឈាមក្រហមពិតជាមានសារៈសំខាន់និងចាំបាច់ក្នុងការដឹកជញ្ជូនអុសស៊ីសែនទៅចិញ្ចឹមសរីរាង្គជាពិសេសនៅក្នុងអំឡុងពេលមានផ្ទៃពោះតែម្តងព្រោះនៅក្នុងពេលនេះស្ត្រីត្រូវការគ្រាប់ឈាមក្រហមច្រើនជាងធម្មតាដើម្បីចិញ្ចឹមទារក។ កោសិកាគ្រាប់ឈាមក្រហមអាចនិងត្រូវបានបំពេញបន្ថែមតាមរយៈការទទួលទានចំណីអាហារដែលសំបូរជាតិប្រតេអ៊ីនរួមជាមួយនិងវីតាមីននិងសារជាតិរ៉ែមួយចំនួនដូចជាជាតិដែក វីតាមីនបេ១២ និងជាតិហ្វូលិកអាស៊ីតជាដើម។

ស្ត្រីមានផ្ទៃពោះដែលមានកង្វះគ្រាប់ឈាមក្រហមអាចនិងស្តែងចេញនូវសញ្ញាមួយចំនួនមានដូចជា៖

• ដកដង្ហើមស្ទើតែមិនគ្រប់ “ដកដង្ហើមមិនចង់ដល់”
• ឈឺក្បាលជាញឹកញាប់
• ញ័រដើមទ្រូង
• ចុកទ្រូង
• រមួលសាច់ដុំ “សាច់ដុំជើង”
• ត្រជាក់ចុងដៃ និងចុងជើង
• ស្លេកបបេរមាត់និងត្របកភ្នែក
• ក្រចកផុយស្រួយ “ងាយនិងបាក់”
• ល្ហិតល្ហៃ “អស់កំលាំង”

សំគាល់៖ ប្រសិនជាអ្នកមានអាការៈទាំងនេះគួរគាប្បីស្វែងរកសេវាពិនិត្យពិគ្រោះជាមួយនិងគ្រូពេទ្យជំនាញដែលនៅជិតអ្នក