ចំនុចសំខាន់ៗដែលស្ត្រីភាគច្រើនមើលរំលងមុនពេលមានផ្ទៃពោះ

January 8, 2019

នៅក្នុងអំឡុងពេលមានផ្ទៃពោះគឺជារយៈពេលមួយដែលស្ត្រីនិងទារកនៅក្នុងផ្ទៃប្រឈមជាមួយនិងហានិភ័យចំពោះសុខភាពខ្ពស់ជាងពេលណាៗទាំងអស់ ហេតុនេះហើយដើម្បីការពារនិងកាត់បន្ថយហានិភ័យផ្សេងៗដែលអាចកើតឡើងដោយចៃដន្យនិងប៉ះពាល់សុខភាពរបស់ទារកក្រោយពេលសំរាលស្ត្រីគួរគាប្បីរៀបចំជាមុននូវចំនុចសំខាន់ៗមួយចំនួនដូចជា៖

• ធ្វើការពិនិត្យពិគ្រោះសុខភាពជាមួយគ្រូពេទ្យជំនាញជាមុន
• តាមដាននិងកត់សំគាល់ថ្ងៃទំលាក់ស៊ុត “វដ្តរដូវជារៀងរាល់ខែ”

• បញ្ឈប់ការទទួលទានជាតិស្រវឹង ឬឱសថព្យាបាលផ្សេងៗដែលមិនចាំបាច់ “មានឱសថខ្លះអាចធ្វើអោយទារកពិការពីកំណើត”
• ជៀសវាងនិងស្ថិតនៅអោយឆ្ងាយពីក្រុមមនុស្សដែលមានជំងឺនិងរក្សាអនាម័យអោយបានស្អាត “ការទទួលជំងឺក្នុងអំឡុងពេលមានផ្ទៃពោះពិតជាអាចប៉ះពាល់ធ្ងន់ធ្ងរដល់ការលូតលាស់របស់ទារកនៅក្នុងផ្ទៃ”
• ព្យាយាមកាត់បន្ថយការទទួលទានកាហ្វេ “ជាតិកាហ្វេអ៊ីន”
• ព្យាយាមកាត់បន្ថយស្ត្រេសនិងរក្សាសុខភាពខួរក្បាលអោយបានល្អ
• ពិនិត្យពិគ្រោះនិងព្យាបាលសុខភាពមាត់ធ្មេញអោយបានល្អមុនពេលមានផ្ទៃពោះ
• ព្យាយាមរក្សាទំងន់អោយបានសមស្រប “មិនអោយស្គមពេកនិងមិនអោយឡើងទំងន់ខ្លាំងពេក”
• ព្យាយាមទទួលទានអាហារដែលសំបូរវីតាមីននិងប្រូតេអ៊ីនដែលមានប្រយោជន៍ចំពោះសុខភាព “បន្លែ ផ្លែឈើ ត្រី​ សាច់ និងស៊ុតជាដើម”
• ស្វែងរកអាហារូបត្ថម្ភជំរុញនិងរក្សាគភ៌មុនពេលមានផ្ទៃពោះ “កង្វះវីតាមីននិងសារជាតិរ៉ែសំខាន់ៗមួយចំនួននៅក្នុងអំឡុងពេលមានផ្ទៃពោះត្រីមាសដំបូងអាចបណ្តាលអោយទារកមានសុខភាពខ្សោយ លូតលាស់យឺតយាវឬពិការភាពពីកំណើត”
• ព្យាយាមរក្សាសកម្មភាពប្រចាំថ្ងៃ “លំហាត់ប្រាណ”

សំគាល់៖ស្ត្រីនៅក្នុងអំឡុងពេលមានផ្ទៃពោះគួរគាប្បីពិនិត្យពិគ្រោះជាមួយគ្រូពេទ្យជំនាញនិងទទួលទានអាហារូបត្ថម្ភរក្សាគភ៌អោយបានទៀងទាត់