ក្រោយពេលត្រឡប់ចូលធ្វើការបន្ទាប់ពីសំរាលរួច៖សញ្ញាគ្រោះថ្នាក់ដែលត្រូវប្រុងប្រយត្ន័

February 11, 2019

ជាធម្មតាស្ត្រីភាគច្រើនក្រោយសំរាលអាចត្រលប់ទៅបំពេញការងាររបស់ពួកគេបានជាធម្មតាបន្ទាប់ពីទារកមានអាយុ៦សប្តាហ៍ទៅ១២សប្តាហ៍​“អ្នកគួរធ្វើការតាមដានជាមួយគ្រូពេទ្យជំនាញអំពីស្ថានភាពសុខភាពរបស់អ្នកមុនពេលសម្រេចចិត្តត្រឡប់ទៅបំពេញការងារ”ប៉ុន្តែមានស្ត្រីមួយចំនួនត្រូវការពេលវេលាសំរាកអោយបានច្រើនជាងនេះអាស្រ័យទៅតាមស្ថានភាពសុខភាពជាក់ស្តែង។ដោយឡែកចំពោះសកម្មភាពប្រចាំថ្ងៃនៅក្នុងផ្ទះអ្នកគួរព្យាយាមបន្តតាមដែលអាចធ្វើទៅបានព្រោះមានជួយអោយរាងកាយនិងមុខរបួសរបស់អ្នកឆាប់សះស្បើយនិងរឹងមាំ។

ក្នុងពេលបំពេញការងារស្ត្រីគួរជៀសវាងនូវប្រភេទការងារមួយចំនួនដែលអាចបណ្តាលអោយប៉ះពាល់ចំពោះសុខភាពដូចជាការងារដែលត្រូវប្រើកំលាំងខ្លាំង ការងារដែលប្រឈមជាមួយនិងសារធាតុគីមីគ្រោះថ្នាក់ ការងារដែលស្ថិតនៅក្នុងបរិស្ថានប្រឈមនិងគ្រោះថ្នាក់ ឬការងារដែលពាក់ពន្ធ័និងជំងឺឆ្លងជាដើម។

ខាងក្រោមនេះគឺជាសញ្ញាដែលអ្នកត្រូវពិគ្រោះជាមួយគ្រូពេទ្យជាបន្ទាន់ក្នុងពេលដែលអ្នកត្រឡប់ទៅបំពេញការងារ៖

• ឈឺចាប់បរិវេណពោះហើយការឈឺចាប់កាន់តែខ្លាំងទៅៗមិនថមថយ
• មានស្នាមប្រេះឬក្រហម ក្តៅផ្សា ហើម និងមានក្លិនមិនល្អនៅបរិវេណថ្នេរវះ
• ធ្លាក់ឈាមច្រើននិងមានពណ៌ក្រហមស្រស់​“ពេញមួយសំលីក្នុងរយៈពេល២ម៉ោង”
• ធ្លាក់ឈាមដែលមានដុំកំណកធំៗ
• មានក្លិនមិនល្អនៅបរិវេណទ្វារមាស“ក្លិនឆ្អាបខ្លាំងដូចជាត្រីស្អុយ”

• ក្តៅខ្លួនលើសពី38អង្សាសេ
• លេចទឹកនោម ឬឈឺចាប់បរិវេណចន្លោះទ្វារមាស​និងរន្ធគូថ
• ឈឺផ្សា ក្រហាយពេលបន្ទោរបង់“នោម”
• ឈឺចាប់បរិវេណរន្ធគូថ“ទ្វារលាមក”
• ទល់លាមកក្នុងរយៈពេលជាច្រើនថ្ងៃ
• ឈឺចាប់នៅលើសុដន់ ឬចុងសុដន់ខ្លាំង

ស្ត្រីនៅក្នុងអំឡុងពេលមានផ្ទៃពោះឬក្រោយសំរាលគួរគាប្បីធ្វើការពិនិត្យតាមដានពិគ្រោះជាមួយគ្រូពេទ្យជំនាញនិងទទួលទានអាហារូបត្ថម្ភរក្សាសុខភាព“Fertina”អោយបានទៀងទាត់