ដឹងឬទេថាតើកត្តាអ្វីខ្លះបណ្តាលអោយទារកកើតមិនគ្រប់ខែ…?
ទារកនៅក្នុងផ្ទៃរបស់ម្តាយរហូតដល់ពេលសំរាលជាទទូទៅមានរយៈពេលយ៉ាងហោចណាស់40សប្តាហ៍ប៉ុន្តែចំពោះទារកដែលសំរាលមុនសប្តាហ៍ទី37ត្រូវបានកំណត់ថាជាទារកកើតមិនកំណត់ឬអាចហៅតាមភាសាសមញ្ញថាទារកកើតមិនគ្រប់ខែ។
ទារកកើតមិនគ្រប់ខែអាចបណ្តាលមកពីកត្តាសំខាន់ៗមួយចំនួនដែលស្ត្រីមួយចំនួនធំមិនបានចាប់អារម្មណ៍ឬធ្វេសប្រហែសជាដើម កត្តាទាងនោះរួមមានដូចជា៖
- ម្តាយធ្លាប់មានប្រវត្តមានផ្ទៃពោះមិនគ្រប់ខែ
- វិបត្តិសរីរាង្គបន្តពូជដែលមានដូចជាមាត់ស្បូនឬតួស្បូនខ្សោយ ឬមានរបួស
- មានផ្ទៃពោះភ្លោះ ឬច្រើនក្នុងពេលតែមួយ
- ម្តាយទទួលជំងឺឆ្លងផ្សេងៗ
- ម្តាយមានជំងឺរាំរ៉ៃដូចជា ជំងឺទឹកនោមផ្អែម ឬលើសឈាមជាដើម
- ម្តាយមានសុខភាពខ្សោយដែលបណ្តាលមកពីកង្វះអាហារូបត្ថម្ភ
- ទទួលទានបារី សុរា ស្ត្រេស ឬ រងសំពាធខ្លាំង “ស្ត្រេស”
- ស្គមពេក ឬធាត់ពេក
- អាយុក្រោម17ឆ្នាំ ឬ អាយុច្រើនជាង35ឆ្នាំជាដើម
ជាទូទៅចំពោះទារកដែលកើតមិនគ្រប់ខែ ស្ត្រីជាម្តាយអាចនិងទទួលអារម្មណ៍មិនស្រួលខ្លួនឬមានស្តែងចេញតាមរយៈរោគសញ្ញាដូចខាងក្រោមនៅក្នុងអំឡុងពេលមានផ្ទៃពោះ៖
- ឈឺចាប់បរិវេណផ្នែកខាងក្រោមពោះ
- មានអារម្មណ៍ថាទារកចេះតែរំកិលចុះទៅខាងក្រោម
- មានអាការៈហើមនៅលើដៃ ជើង និងផ្ទៃមុខ
- ស្បូនកន្ត្រាកញឹកញាប់ “មានអាការៈកន្ត្រាក់ច្រើនជាង4ដងក្នុងរយៈពេល1ម៉ោង”
- ឧស្សាហ៍វិលមុខ ក្អួតចង្អោរ និងរាគរូស្ត
- ឧស្សាហ៍ស្រវ៉ាំងភ្នែក
- មានការឈឺចាប់ និងរមួលនៅបរិវេណពោះ
- ទារកកំរើកកាន់តែតិចទៅៗ ឬមិនកំរើកសោះ
- មានអាការៈធ្លាក់ឈាម ឬមានសារជាតិរាវតាមទ្វារមាស
សំគាល់៖ស្ត្រីនៅក្នុងអំឡុងពេលមានផ្ទៃពោះគួរគាប្បីធ្វើការពិនិត្យតាមដានពិគ្រោះជាមួយគ្រូពេទ្យជំនាញនិងទទួលទានអាហារូបត្ថម្ភរក្សាគភ៌អោយបានទៀងទាត់
