ការរួមភេទក្រោយពេលសម្រាលគឺជាសំនួរដែលគូស្វាមី ភរិយាថ្មីក្រោយសម្រាលរួចតែងតែមានចំងល់
ក្រោយពេលសម្រាលរួចតើត្រូវតមរយៈពេលប៉ុន្មានទើបអាចរួមភេទបាន?
ជាធម្មតាស្ត្រីក្រោយពេលសម្រាលរួចគួរតែព្យាយាមសំរាកមួយរយៈរហូតទាល់តែគាត់មានអារម្មណ៍ថាសុខភាពរបស់គាត់មានលក្ខណរឹងមាំគ្រប់គ្រាន់ និងមុខរបួសដែលបណ្តាលមកពីការសម្រាលបានសះស្បើយត្រឹមត្រូវមុននិងបន្តសកម្មភាពរួមភេទ។ ស្របទៅតាមបទពិសោធន៍និងការណែនាំរបស់គ្រូពេទ្យជំនាញ ស្ត្រីអាចនិងបន្តសកម្មភាពផ្លូវភេទបានបន្ទាប់ពីរយៈពេលយ៉ាងតិចបំផុត៦សប្តាហ៍ទៅ១២សប្តាហ៍ក្រោយពេលសម្រាលឬអាចនិងយូរជាងនេះអាស្រ័យទៅនិងស្ថានភាពសុខភាពនិងមុខរបួសជាក់ស្តែងរបស់ស្ត្រីក្រោយសម្រាល។
តើការរួមភេទក្រោយពេលសម្រាលមានការឈឺចាប់ដែរឬទេ?
បំរ៉ែបំរួលរបស់អរ័ម៉ូនក្រោយពេលសម្រាលអាចនិងបណ្តាលអោយប្រដាប់បន្តពូជរបស់ស្ត្រីមានលក្ខណៈមិនអំណោយផលចំពោះការរួមភេទជាលើកដំបូងដូចជាស្ងួតទ្វារមាស និងមិនមានចំណង់ជាដើមដែលជាមូលហេតុបណ្តាលអោយការរួមភេទដំបូងក្រោយសម្រាលអាចនិងមានការឈឺចាប់។
តើមានវិធីសាស្ត្រអ្វីខ្លះសំរាប់ការរួមភេទក្រោយសម្រាល?
ក្រោយពេលសម្រាលរួចតើការរួមភេទដោយមិនការពារអាចមានផ្ទៃពោះដែរឬទេ?
ក្រោយពេលសម្រាល គួរតែជ្រើសរើសមធ្យាបាយពន្យារកំណើតណាមួយដែលសក្កសមក្នុងការការពារការមានផ្ទៃពោះជាលើកទីពី។ ចំពោះស្ត្រីដែលធ្វើការបំបៅដោះអត្រាមានផ្ទៃពោះនៅតែមានគ្រាន់តែមានចំនួនតិចតួចជាងស្ត្រីដែលមិនបំបៅដោះក្រោយសម្រាល «ក្នុងចំំណោមស្ត្រីបំបៅដោះចំនួន១០០នាក់អាចនិងមានស្ត្រីចំនួន២នាក់ប្រឈមនិងការមានផ្ទៃពោះសារជាថ្មីក្នុងករណីរួមភេទដោយមិនបានការពារ។ ដោយឡែកចំពោះស្ត្រីដែលមិនមានបំបៅដោះក្រោយសម្រាលគឺប្រឈមជាមួយនិងហានិភ័យមានផ្ទៃពោះសារជាថ្មីខ្ពស់ដូចជាស្ត្រីដែលស្ថិតក្នុងវ័យបន្តពូជធម្មតាឬអាចនិងប្រឈមជាមួយការមានផ្ទៃពោះខ្ពស់ជាងស្ត្រីធម្មតាផង។
ដើម្បីសុវត្ថិភាពសូមតាមដានពិគ្រោះពិភាក្សាជាមួយវេជ្ជបណ្ឌិតជំនាញដែលនៅជិតអ្នកនិងទទួលទានអាហារូបត្ថម្ភរក្សាគភ៌អោយបានទៀងទាត់ក្នុងអំលុងពេលមានផ្ទៃពោះនិងក្រោយសម្រាល។
