វិធីសាស្ត្រងាយៗមានសុវត្ថិភាពសំរាប់ដោះស្រាយអាការៈដែលស្ត្រីនៅក្នុងអំឡុងពេលមានផ្ទៃពោះត្រីមាសដំបូង

January 16, 2019

វាគឺជាបទពិសោធន៍ថ្មីមួយនៅក្នុងជីវិតរបស់ស្ត្រីមុនពេលក្លាយទៅជាភរិយានិងជាអ្នកម្តាយពេញលេញម្នាក់នៅក្នុងគ្រួសារ។ក្នុងអំឡុងពេលមានផ្ទៃពោះស្ត្រីស្ទើរតែគ្រប់រូបសុទ្ធតែធ្លាប់បានស្គាល់នូវអ្វីដែលគេហៅថា “ចាញ់គភ៌” វាពិតជាលំបាកទាំងផ្លូវកាយនិងផ្លូវចិត្តក្នុងការពុះពារឆ្លងកាត់ឧបសគ្គទាំងអស់នោះហើយក៍មានតែស្ត្រីខ្លួនឯងតែម្នាក់ទេដែលយល់

មានអាការៈក្អួតចង្អោរពេលព្រឹកព្រលឹមជារៀងរាល់ថ្ងៃ

ដំណោះស្រាយ៖​

• ទទួលទានអាហារសម្រន់បន្តិចបន្តួចពេលក្រោកពីដំណេក
• ទទួលទានអាហារបន្តិចៗនិងរៀងរាល់២ម៉ោងម្តង
• ជៀសវាងអាហារដែលសំបូរខ្លាញ់ ហិរ និងអាហារក្រៀម
• ទទួលទានផ្លែឈើក្រោយអាហារ (ជៀសវាងទទួលទានផ្លែឈើនិងអាហារក្នុងពេលតែមួយ)

មានអាការៈនោមញឹកញាប់

ដំណោះស្រាយ៖

• កុំទទួលទានទឹកច្រើននៅពេលល្ងាច ឬមុនចូលដំណេក
• ព្យាយាមហាត់ពង្រឹងសាច់ដុំទ្វារមាស (គាប ឬ ត្បៀតទ្វារមាសប្រហែល២ទៅ៣វិនាទីម្តង និងអនុវត្តប្រមាណ២ទៅប្រាំដងក្នុងមួយថ្ងៃ)
• ព្យាយាមបន្ទោរបង់អោយអស់រាល់ពេលបន្ទោរបង់ម្តងៗ

មានអារម្មណ៍ថាអស់កំលាំង

ដំណោះស្រាយ៖

• សម្រាកអោយបានគ្រប់គ្រាន់
• ទទួលទានអាហារម្តងបន្តិចនិងអោយបានច្រើនដងក្នុងមួយថ្ងៃ
• ទទួលទានទឹកអោយបានច្រើនក្នុងពេលថ្ងៃ
• ធ្វើចលនាដោយសន្សឹមៗពេលក្រោកពីដំណេក
• ព្យាយាមទទួលទានអាហារដែលមានសារៈសំខាន់និងសុវត្ថិភាពក្នុងអំឡុងពេលមានផ្ទៃពោះ
• ទទួលទានអាហារូបត្ថម្ភរក្សាគភ៌ដើម្បីទ្រទ្រង់សុខភាពរបស់ម្តាយនិងការលូតលាស់របស់ទារកនៅក្នុងផ្ទៃ

មានធ្លាក់សនៅបរិវេណទ្វារមាស

ដំណោះស្រាយ៖

• រក្សាអនាម័យបរិវេណទ្វារមាស
• ប្រើប្រាស់សំឡីអនាម័យនិងធ្វើការផ្លាស់ប្តូរអោយបានញឹកញាប់
• ពិភាក្សាជាមួយនិងវេជ្ជបណ្ឌិតជំនាញក្នុងករណីមិនធូរស្រាល

សំគាល់៖ស្ត្រីនៅក្នុងអំឡុងពេលមានផ្ទៃពោះគួរគាប្បីធ្វើការពិនិត្យពិគ្រោះពិភាក្សាជាមួយគ្រូពេទ្យជំនាញនិងទទួលទានអាហារូបត្ថម្ភរក្សាគភ៌អោយបានទៀងទាត់