អាការៈចាញ់គភ៌គឺកើតមានលើស្ត្រីក្នុងអំលុងពេលមានផ្ទៃពោះដែលស្តែងចេញមកតាមរយៈធីងធោង និងចង្អោរ ជាទូរទៅឧស្សាហ៍កើតមានចាប់ពីសប្តាហ៍ទី៦ទៅសប្តាហ៍ទី១២ ឬអាចវែងជាងនេះ។ ខាងក្រោមនេះជាវិធីសាស្ត្រងាយៗតាមបែបធម្មជាតិក្នុងការការពារនិងកាត់បន្ថយអាការៈចាញ់គភ៌
១. ស្ករគ្រាប់ដែលមានរស់ជាតិក្រូច
គួរដាក់ស្ករគ្រាប់ដែលមានរស់ជាតិក្រូចតាមខ្លួនជាប់ជានិច្ចសំរាប់បៀមនៅកគ្រប់ពេលដែលអ្នកមានអាការៈចង្អោរជាពិសេសទុកនៅក្បែរគ្រែដែលអ្នកដេកដើម្បីងាយស្រួលប្រើប្រាស់
២. ស្ករគ្រាប់ដែលមានរស់ជាតិជីអង្កាម
ស្ករគ្រាប់ដែលមានជាតិជីអង្កាមក៍មានប្រយោជន៍ជួយកាត់បន្ថយអាការៈចង្អោរផងដែរ ជាពិសេសជួយអោយអ្នកមានអារម្មណ៍ស្រស់ថ្លានិងជួយកាត់បន្ថយអាការៈឆ្អល់ក្រពះ
៣. ទឹក្រូចឆ្មារ
ទឹកក្រូចឆ្មារត្រូវបានណែនាំអោយប្រើប្រាស់ដើម្បីកាត់បន្ថយអាការៈក្អួតចង្អោរជាពិសេសក្នុងអំលុងពេលមានផ្ទៃពោះ អ្នកអាចសាកល្បងលាយទឹកក្រូចឆ្មារប៉ុន្មានដំណក់ជាមួយនិងទឹកមួយកែវនៅរៀងរាល់ពេលដែលអ្នកទទួលទានទឹក
៤. តែខ្ញី
ក្លិននិងរស់ជាតិរបស់ខ្ញីមានប្រសិទ្ធិភាពរំងាប់អារម្មណ៍ចង្អោររបស់អ្នកបាន ប្រសិនជាអ្នកអាចលាយទឹកតែខ្ញីជាមួយនិងក្រូចឆ្មារនោះគឺរឹតតែប្រសើរ
៥. ទទួលទានអាហារអោយបានញឹកញាប់
នៅក្នុងអំលុងពេលមានផ្ទៃពោះ អ្នកនិងមានអាការៈចង្អោរខ្លាំងជាងមុនប្រសិនជាក្រពះរបស់អ្នកទទេរ ប៉ុន្តែវាក៍មិនងាយស្រួលដែរប្រសិនជាអ្នកទទួលទានអាហារច្រើនពេកក្នុងពេលតែមួយ ហេតុនេះហើយការទទួលទានអាហារម្តងបន្តិចៗនិងអោយបានញឹកញាប់គឺមានប្រយោជន៍ច្រើនសំរាប់សុខភាព និងកាត់បន្ថយអាការៈចង្អោរផងដែរ
៦. មានអាហារសំរន់ក្បែរខ្លួនជានិច្ច
អាការៈឃ្លាននៅក្នុងអំលុងពេលមានផ្ទៃពោះអាចកើតមានគ្រប់ពេលវេលា និងគ្រប់ទីកន្លែង សម្បីតែនៅវេលាពាក់កណ្តាលយប់ រក្សាអាហារសំរន់បន្តិចបន្តួចនៅក្បែរខ្លួនគឺអាចជួយដល់អ្នកដោះស្រាយបញ្ហាទាំងនេះបានងាយស្រួលនិងសន្សំទាំងពេលវេលានិងកំលាំង
៧. កាត់បន្ថយអាហារបំពង ឬអាំង
ព្យាយាមកាត់បន្ថយប្រភេទអាហារទាំងឡាយណាដែលជាតិសំបូរខ្លាញ់ក្នុងអំលុងពេលមានផ្ទៃពោះ ព្រោះរាងកាយរបស់អ្នកមានការពិបាកក្នុងការរំលាយអាហារដែលសំបូរជាតិខ្លាញ់និងកាត់បន្ថយការបឺតស្រូបអាហារូបត្ថម្ភដែលចាំបាច់សំរាប់ការលូតលាស់របស់ទារកនិងខ្លួនរបស់អ្នកផ្ទាល់
៨. ទទួលទានអាហារពេលព្រឹកនៅលើគ្រែ
ប្រសិនជាអ្នកទទួលទានអាហារពេលព្រឹកកាន់តែយឺត នោះអ្នកនិងប្រឈមជាមួយនិងអាការៈចង្អោរកាន់តែខ្លាំង។ ព្យាយាមទទួលទានអាហារពេលព្រឹកអោយបានឆាប់ក្រោយពេលក្រោកពីដំណេក អ្នកក៍អាចសាកល្បងទទួលទានអាហារពេលព្រឹកភ្លាមៗពេលក្រោកពីដំណេកនៅលើគ្រែតែម្តងក៍បាន
៩. កាត់បន្ថយការចូលចង្ក្រានចម្អិនអាហារក្នុងត្រីមាសដំបូង
ក្លិនរបស់អាហារ សាច់សត្វ ស៊ុត និងបន្លែមួយចំនួននិងធ្វើអោយអាការៈចង្អោររបស់អ្នកកាន់តែធ្ងន់ធ្ងរជាងមុន ប្រសិនជាមិនមានភាពចាំបាច់ អ្នកគួរតែកាត់បន្ថយការចូលចង្ក្រានចំអិនអាហារអោយបានច្រើន
១០. ទទួលទានទឹក
ទឹកគឺជាប្រភពនៃជីវិត ការទទួលទានទឹកគ្រប់គ្រាន់មានសារសំខាន់ក្នុងការជួយរក្សាជាតិទឹកនៅក្នុងខ្លួនរបស់អ្នកដែលជាកត្តាចំបងជួយដល់សុខភាពរបស់អ្នក។ ទទួលទានទឹកកាន់តែច្រើន សុខភាពរបស់អ្នកកាន់តែប្រសើរ
១១. ចំណីអាហារនិងអាហារូបត្ថម្ភ
ទទួលទានអាហារដែលមានជីវជាតិបំប៉នអោយបានគ្រប់គ្រាន់ ឬព្យាយាទទួលទានអាហារូបត្ថម្ភរក្សាគភ៌ដែលមានវីតាមីននិងសារជាតិរ៉ែដែលមានសារៈសំខាន់ចំពោះសុខភាព (Fertina)
ដើម្បីសុវត្ថិភាពសូមតាមដានពិគ្រោះពិភាក្សាជាមួយវេជ្ជបណ្ឌិតជំនាញដែលនៅជិតអ្នកអោយបានទៀងទាត់ ក្នុងអំលុងពេលមានផ្ទៃពោះនិងក្រោយសម្រាល
